اسم الاغنية : لما توعد حقو توفى
كاتب الاغنية : غير معروف
ملحن الاغنية : غير معروف
غناء : محمود تاور
لما توعد حقو توفي عني بس شاغلك شنو
من غرورك ما بهمك مع المكتول منو
انت حددتا المكان والمواعيد والزمان
وقلتا لى اوعاك غيبة قلبي عامر بالحنان
تبقي انتا الما التزمتا وجاي بتعاتب كمان
الصدود جاك من متين والقسي اتعلمتو وين
قدري ماتقول ما بنلومك بتزيد جفا بنزيد حنين
مش ملاحظ إنو ظلمك زاد وبالغ حبتين
يا حبيب الناس أظنك ما رضيت تديني حنك
ساقني ريدك وما اقتنعتا بالكلام القالو عنك
شفتا حالي وجاى تسأل العلى ما كلو منك
هسه اتخيل مشاعرك لو وعدتك وما وفيت
أو لما واعدتا عيني قلتا ليك آسفة وابيت
كنتا قومتا القيامة وبعتا فيني واشتريت
الهواجس راودتني قلبي بيودي ويجيب
يبقي حظك منتهي وما ليك في الطيب نصيب
العربية
