كم لذا القلب متعني
والهواجيس تطعني
والغظي ما سال عني
ليه بالله يالغالي
كم وكم لي وانا صابر
واكتم السر واكابر
والغظي بالخفي خابر
ليه بالله يا غالي
طول صدك وهجرانك
يعطي البال نسيانك
كم كتبنا على شانك
ليه بالله يا غالي
انت في عالم ثاني
مسكنك وسط وجداني
ليه بالله يا غالي
الحشا كثرت اوجاعه
منك يا حالي اطباعه
وانت ما أعطيتني ساعه
ليه بالله يا غالي
منت راضي تصافيني
ليش ما تلتفت فيني
ليش بالله جافيني
ليه بالله يا غالي
صاحبك زادت اتعابه
وانت ما تدري اش صابه
روحه اليوم منصابه
ليه بالله يا غالي
ليش ما توفي اوعودك
ليش تتمعن اصدودك
ليش ما تم مردودك
ليه بالله يا غالي
كان يرضيك تجفاني
بعد ما كنت واياني
صرت في عالم ثاني
ليه بالله يا غالي
الفراق اتعب احساسي
وانت يا صاحبي قاسي
صرت عن صاحبك ناسي
ليه بالله يا غالي
اسم الاغنية : ليه بالله يالغالي
كاتب الاغنية : محمد بن لقفص العمري
ملحن الاغنية : ناصر الدوسري
غناء : ناصر الدوسري
العربية
