كلمات اغنية ما وعدتك بنجوم الليل وائل كفوري.
بليلة ندهني الحب مشواري ابتدى، وبغفلة عمر بلش عمر تاني
وصار جاي الشوق صوبي عالهدا، وهب الهوا وبعيد وداني
وهالقلب فيكي يا روحي اهتدى، وشفت الدني أعياد وغناني
دهب وقصور ما بوعد حدا، بالكاد عرزال براس الجرد باني
وشميلة مواويل رددها الصدى، وآمال بهالأيام سهراني
وما وعدتك بنجوم الليل، ولا بطرحة من خيوط الشمس
ولا بجبلك ع ضهور الخيل كنوز الجن ومال الإنس
انا زلمة ع قد الحال، ومملكتي أوف وموال
ومنجيرة عن جدي وبس
انا ما عندي قصور، ولا مخدة من ريش نعام
ولا كاساتي من بلور، ولا جواري ولا خِدّام
عندي بيت براس الجِردْ، وجرة مي وحقلة ورد
الحب بعمره ما بينقاس بالمال وبالمظاهر
وهالدنيي يا بنت الناس انبنيت ع الحب الطاهر
وان كنُّه حالي بيرضيكي، يا أهلا وسهلا فيكي
منقسم هاللقمة بالنص
اسم الاغنية : ما وعدتك بنجوم الليل
كاتب الاغنية : أحمد درويش
ملحن الاغنية : سمير صفير
غناء : وائل كفوري
العربية
