على الما يسوى هيهات
بجت عيني حرامات
خسرت هواي دمعات
على المايسوه دمعه
تارس ضهري طعنات
فرح بيه الشمات
حبه بالقلب مات
والي يموت شيرجعه
اسمعي حجايه ياعين
عليه ماريد تبجين
نكر كل تعب السنين
الجنت ما يوم اخدعه
ولا مره وفه وياي
يبيع واني شراي
صرتله الهوا والماي
يشكي واني اسمعه
حبه شسوه بالروح
ملاها هموم وجروح
بعد ماريده خيروح
ومن القلب اطلعه
كولوله اني حبيت
وغيره بقلبي خليت
ينسى حبي ياريت
يحلم بعد ارجعه
اسم الاغنية : ما يسوي دمعة
كاتب الاغنية : علي الديواني
ملحن الاغنية : حاتم العراقي
غناء : قصي حاتم العراقي
العربية
