ما يكونش ده اللي اسمه الهوى
اللي مالوش في الكون دوا
يا هنا اللي بيه قلبه انكوى
ما يكونش ده اللي اسمه الهوى
ايه ياترى يا هل ترى مالي كده متغيرة
قلبي انخطف لوني اتقطف
معرفش ليه متحيرة
حاسة بهنا حتى و أنا
لسه في أيام المنى
وردة بنداها زغيّرة
ولا عمري يوم دقت الجوى
ما يكونش ده اللي اسمه الهوى
أنا شايفة كل الكون فرح
أنا خايفة عقلي يكون سرح
وسمعت ناس بتقول ده كاس
داير و باب دنيا انفتح
اعمل حجاب أقرا الكتاب
ألقاه يقول السهم صاب
لازم خلاص قلبي انجرح
و بموكب الحب انطوى
لازم ده هو اللي اسمه الهوى
اسم الاغنية : ما يكونش ده
كاتب الاغنية : فتحي قوره
ملحن الاغنية : فريد الاطرش
غناء : شادية
العربية
