كلمات اغنية ماجابوا خبرها ماجد خضير.
القصيد يخلّي المشتاق يكشف عن حصيله
كل ما مرّته بنت افكار ما شح بـ مهرها
ملّ قلبه بين فرقا راحة وجمرة مليلة
عبرةً يقدر لها وألفين عبرة ما قدرها
متشتت فكر ويحاتي حبيب وكم ليله
يتجافى لين نجمة صبحها تدحم قمرها
يتغنّى فأم الاوصاف العديمات الجميلة
فكرةً ياتي بها الهاجس وفكرة يبتكرها
شاعرً يكتب عشان تحبّه بأيّت وسيلة
منتظرها ودّه انه بالغزل يلفت نظرها
واجد اللي حاولوا فيها .. ولا جابوا خبرها
مهرةً بين .. ( المهار اليعربيات الأصيلة )
ماخذها منها الشموخ وماخذه منها فخرها
والقطاة وجيدها الفتان والعين الكحيلة
والسبيب اللي تقرّنه بترف كنّه شعرها
والقذيل اللي يطيح ويحجب الوجه وتشيله
باقيً له قفلتين ونص .. ويداعب نحرها
والتناسق بين راس صغير ورقبةً طويلة
والقوام اللي على عشّاقها يعلن خطرها
خلقة الله بين سلّة سيف ورماحً ظليله
والحياء اللي من يغازلها تلقّي له ظهرها
بين ردفً ياسلااام .. وبين خصرً ياحليله
تحت ثوبً كل ما هب الشمالي ماسترها
والثمان اللؤلؤيات .. الرقيقات .. النحيلة
ايتكاشف نورها البرّاق .. لو يضحك ثغرها
هذي اللي كل شعره من شعرها عن قبيله
في ضمير اللي يقدرها وعين اللي خبرها
انفضت مستقبله قدام لاتنفض شليله
واطلبته انه يتناسها .. ولكنّه ذكرها
جادلً من دونها كل الضروف المستحيلة
ما جداه الا على جوّاله يقلّب صورها
اسم الاغنية : ماجابوا خبرها
كاتب الاغنية : محمد الحمادي
ملحن الاغنية : ماجد خضير
غناء : ماجد خضير
العربية
