كلمات اغنية مادام تحب ام كلثوم.

مدام تحب بتنكر ليه
دا اللى يحب يبان فى عينيه

تصد عنى وتهجرنى واكلمك تهرب منى
وان غبت يوم تسأل عنى
واعرف هواك ساعة لقاك من طول جفاك
واللى يحب يبان فى عينيه
مدام تحب بتنكر ليه

لو كنت عايز تراضينى
وتصالح النوم على عينى
كنت اشتكيلك تواسينى
وتشوف عنيا راضيه الاسيه
تعطف عليا
واللى يحب يبان فى عنيه
مدام تحب بتنكر ليه

لكن فؤادك يهوانى
واعرف هواك من وجدانى
هو انت تقدر تسلانى
وانا بين يديك اشكى اليك
واشوف عينيك
واللى يحب يبان فى عينيه
مدام تحب بتنكر ليه

اسم الاغنية : مادام تحب

كاتب الاغنية : احمد رامي

ملحن الاغنية : محمد القصبجي

غناء : ام كلثوم