كلمات اغنية ماما ارابيش.
كلمات اغنية ماما ارابيش.
ماما اوقات كتير
ماما بسرح في التفكير
ماما أثرتي في حياتي
ماما فية أنا واخواتي
ليه ساعات كتير مبنفتكرش
اللي في حياتنا مقصرتش
تعبت كتير عشانا مندمتش
عن عمر راح متكلمتش
بنقول كتير نفس الكلام
لكن الحقيقة مش بس كلام
ليكي التقدير و الإحترام
و في كل وقت و في أي مكان
و مهما بعدنا عنك دايما جنبك مش ناسيين
“ماما!”
“إزيكوا يا ولاد أنا جيت, شفتوا حصلي إيه في الشغل النهارده؟”
“اطلعي بره”
“اطلعي بره لوسمحتي”
“بعدين, بعدين “!
كانت زمان تعد تحكيلك
قبل ما تنام قاعدة تغنيلك
رافعة ايدها سهرانة تدعيلك
مهما بعدت عمرها ماتسيبك
تغسل هدومك و بتكويلك
و في الكورة تشجع فريقك
علي طول تدعي ينور طريقك
و خير كتير علي طول يجيلك
“أنا حضرت الغدا يلا قوموا التسجيل مش هيطير”
“يا ماما بنسجل, بنسجل, بنسجل!!”
“مش هناكل”
خلاص يا ماما دلوقتي كبرت
فات وقت كتير دلوقتي عرفت
“طب أنا هاعمل بسبوسة, اعملكو معايا؟”
“مامااا!”
لما زمان قولتيلي حاجات
مفهمتهاش دلوقتي فهمت
خلاص يا ماما جاتلي الفرصة
نفسي اعبرلك لو لحظة
او حتي اقولك اني بحبك
حتي لو قولتيلي انا عارفة
“مش عارفة أعمل البسبوسة, السكر خلص. ممكن واحدة فيكو تنزل تجيبلي كيس سكر من السوبرماركت, والتانية تيجي تساعدني عشان مش عارفة أعملها لوحدي”
“امشي بقاااا”
و أدي حكاية بنشوفها كتير
ولاد و بنات مفيهومش الخير
دايما صوتهم عالي بيزعقوا ملهومش كبير
يمكن هما مش عارفين
علشان لسه صغيرين
علشان دايما قدامهم و بقيمتها مش حاسين
فات الوقت و بعد سنين عرفوا انهم غلطانين
لما كبروا و شافوا ولادهم مش مقدرين
ساعتها حسوا بالامان
و منغيرها مكنوش هيبقوا في نفس المكان
ماما اوقات كتير
ماما بسرح في التفكير
ماما أثرتي في حياتي
ماما فية أنا واخواتي
ماما احنا مش قاصدين
ماما كنا صغيرين
ماما والله مقدرين
ماما احنا اسفين
اسم الاغنية : ماما
كاتب الاغنية : غير معروف
ملحن الاغنية : غير معروف
غناء : ارابيش
العربية
