يارب
أدينا بنمشى من محنة
لمحنة أشد من غيرها
ونستاهل عشان إحنا
نصرنا الشر على خيرها
بقوتنا بنتباهى
متاهة تاخدنا لمتاهة
وناسيين اللى سواها
فى ست أيام وعمرها
ايوة إحنا نستاهل
وعملنا ياما كتير
بس أنت بردوا كبير
يارب عديها
كملها ستر وخير
أنت السند لينا
الأول والأخير
ايوة إحنا نستاهل
وحرام دخل فى حلال
معظمنا كان جاهل
وأبوه وأمه المال
وبنطلب الرحمة
ولا نملك إلا سؤال
أنت الرحيم بينا
وللعقد حلال
يارب تعدينا من محنتنا
بنترجاك يارب الكون
على اخطائنا تسامحنا
عشمنا فيك تنجينا
وترفع عنا أى بلاء
اسم الاغنية : متاهه
كاتب الاغنية : أحمد غريب
ملحن الاغنية : رمضان البرنس
غناء : رمضان البرنس
العربية
