لو جالك يوم كابوس غمض عينك متشوفوش
اقلع الوش اللي ف وشك مش محتاج تلبس وشوش
نفض اليأس اللي ف صدرك شد حلمك م التابوت
بس عافر انت وقوم، لو محاولتش راح تموت
طب زق زقة يمكن حلمك يتحقق
ماهو يمكن كل الناس بعد ما كدِّبت تصدق
م الصفر ابدأ اجري شوية يمكن تلحق
وري ايأس انك قادر و ف يوم راح تمد وتسبق
بص شوف، أحلام كتير ع الحيطان متعلقة
وري أحلامك للناس مش مهم تصدقك
بص بصة ع اللي قبلك اللي تاهوا في الطريق
عوم وقدف روح لحلمك حتي لو كان في الغريق
متخليش حد يساعدك كمل علي رجلك مشوارك
والاحباط لو جه يوم زارك، دوس عليه زي السيجارة
لسة المسرحية طويلة متقفلش انت الستارة
ارسم معايا أحلام لجيل، لسه الطريق صعب وطويل
جاي النهار من بعد ليل، متقولش كلمة مستحيل
مش هبقى سلبي تاني مش هلعن في الظروف
مش هبقى واقف مكاني مش هستسلم لخوف
طب ليه لما افشل ازعل واقفل على نفسي بابي
ياما ناس وقعوا وقاموا دور حواليك وشوف
اسم الاغنية : متقولش كلمة مستحيل
كاتب الاغنية : غير معروف
ملحن الاغنية : غير معروف
غناء : امير يوسف
العربية
