كلمات اغنية متهونش علي شادية.

متهونش علي فين أروح من ذنبك
لا هتفرح بي ولا هأسعد قلبك
متهونش علي متهونش

ابعد وانسانى ما ارضاش بهوانك
لا انت علشانى ولا انا علشانك
هتعذب روحك وتطول نوحك
وتفكر فيَّ متهونش عليَّ

مش قد غرامك خلينى ف حالي
وابعد أوهامك عن قلبي الخالي
ما اقدرش أحبك ولا اكونش جنبك
وعينيك فى عينيَّ متهونش عليَّ

كان كل ما بيننا حلم وننساه
حيزيد حرماننا لو نجري وراه
أنا كنت اتمنى فى الحب اتهنى
لو كان بإيديَّ متهونش عليَّ

اسم الاغنية : متهونش علي

كاتب الاغنية : مامون الشناوي

ملحن الاغنية : عبد العزيز محمود

غناء : شادية