سلم عليه وسلمت
قلبي وحياتي بيده
اشتميت من عطره وكلت
اخذو الهوى ماريده
ماكتله احبك دورت
كلمة غزل جديدة
ردت اختلف من غازلت
كلشي انسمع ماعيده
ربي سواه على ذوقي وفصله
جن احس مخلوق الي ومخلوق اله
محد عجبني شكد شفت
بس هوه عاشت ايده
اشتميت من عطره وكلت
اخذو الهوى ماريده
هذا القمر يمي نزل
على الكاع يمشي بطوله
ماحاجي بس ينكط غزل
فدوه الحجو يرحوله
حبيت صوته من قبل
لا يحجي واي شي يقوله
سلمولي على الكال المثل
بكل حلو لازم لوله
تمنيت احبه من وكت
لو خلص عمري اعيده
شتميت من عطره وكلت
حل شعره وتبده الذهب
لمته عيون الفقره
وعالخد شفت من اقترب
غمازه مثل الشذره
من بعد كل ذاك التعب
شفت الجنت منتظره
هالمره احس بقلبي حب
سلمته باول نظره
وبكل سهوله استسلمت
روحي القبل عنيده
اشتميت من عطره وكلت
اخذو الهوى ماريده
اسم الاغنية : مخلوق الي
كاتب الاغنية : عصام كريم
ملحن الاغنية : حازم شهيد
غناء : عدنان بريسم
العربية
