كلمات اغنية مربى الدلال جوزيف صقر.
مربى الدلال ربوكي واتعذبوا فيكي يا دلال
ورحنا نكلم ابوكي وياريتك كنتي شفتي شو قال ابوكي
على كل على كل حال يعني بكل الاحوال
ممنون انا لأبوكي ممنون ع الاستقبال
قالي يا ابني كيف احوالك وصرنا نتحدث بالاحوال
قلتله سيدي طمنلك بالك عيشة رضية قد الحال
قلي بتعرف بنتي طلبها المحامي
واللي بيجوا لعنا من احسن عيال
مش كل ساعة في محامي لكن في متلك امتال
على كل على كل حال يعني بكل الاحوال
ممنون انا لأبوكي ممنون ع الاستقبال
قالي شو عندك وين راس مالك
قلتله بتعرف والله يا خال
لا هدية جايب ولا اموال
رح قلك للدغري احوالي ما بتغري
ورتوني المكنسة وطلعت زبال
واذا بيني وبين المحامي شغلة ما بدا سؤال
على كل على كل حال يعني بكل الاحوال
ممنون انا لأبوكي ممنون ع الاستقبال
قلتله ساكن خلف العمارة
لا هي تخشيبة ولا عرزال
بغسل ع ايدي وبنشر بالحارة
لا فريزر جايب ولا غسال
عندي صوفا صغيرة فيها تصفي كبيرة
بتقدر تستعملها بكل الاشكال
هيدا المحامي منين نبت
لا ع الخاطر ولا ع البال
على كل على كل حال يعني بكل الاحوال
ممنونك انا يا عمي ممنونك ع الاستقبال
على كل على كل حال يعني بكل الاحوال
ممنونك انا يا عمي ممنونك ع الاستقبال
مربى الدلال ربوكي واتعذبوا فيكي يا دلال
رحنا نكلم ابوكي وياريتك كنتي شفتي شو قال ابوكي
على كل على كل حال يعني بكل الاحوال
ممنون انا لأبوكي ممنون ع الاستقبال
اسم الاغنية : مربى الدلال
كاتب الاغنية : غير معروف
ملحن الاغنية : غير معروف
غناء : جوزيف صقر
العربية
