مرضان باكي فاقد فيكي علاج طبيبي
قالوا ترك سكونك يادار وين حبيبك
يادار من بقاياك فوحي وجيبي طيبي
اوعاتق شميم النرجس من رطيبي
ماردت سؤالي واجابت دار حبيبي
سدت حلقي عبره نفسي متين تطيبي
انا لي مده طالت ما شاهدت قمري
ماشاهدت غصن اليانع فيه ثمري
انا ما شفت محبوبي البيفداه عمري
اسكر من عيونه هي كأسات فيها خمري
حبي الغير خافي ياالانت بتخبري
اسألي منه قلبك ومن نيراني تبري
مروا علي ناسك وليك شالوه خبري
هل عرفوني حائر وهل ادوكي خبري
كيف طغي لي حبك دائي متين تزولي
ليك بنثر جواهري وبلغيها زولي
قالت كترت علية صديقي الما عزولي
فاكهه جميله يانعه شتاها طاف بدري
دره يتيمه انسه ظبيه حواها خدري
حوره في نعيمه طواها جبينها بدري
انا في ناره ساهر باكي اريتها تدري
لو كلمتي طيفك قلت يزور ضريحي
او قلتيلو داوي علل عاشقي وجريحي
لابأس من عذابي وبكاء جفني القريحي
مادام انتي نايمه وهدائه وتستريحي
انا غافل غرامك دون اعلم شجني
دمعي اذا طريتك بين الناس فضحني
انا شاعر فؤادك في الحب امتحني
برضك جافيه نافره لي متين تحني
اسم الاغنية : مرضان باكي فاقد
كاتب الاغنية : غير معروف
ملحن الاغنية : غير معروف
غناء : اسماعيل حسب الدائم
العربية
