استقصادك واستهدافك والتقليل منك مرفوض
انت كانسان ربنا شافك احسن خلقه في الوجود
ده مفيش حد احسن من حد كلنا سوا على نفس الأرض
لو فيه حتى فروق فردية عادي طبيعي وده المفروض
اتجاهل كل اللي يضايقك جمد قلبك خليه حديد
خليك واثق اوي من نفسك الضعف لا يمكن هيفيد
اتشجع دافع عن نفسك لو حد مقرب يأذيك
بص في عينه بقوة وواجه عرفه غلطه ولو بعنيك
لا دي اخلاق ولا في الأديان
ليه نهين حد ده مش مسموح
ازاي نأذي في يوم انسان
لا دي أخلاق ولا ڤي الأديان
ليه نهين حد ده مش مسموح
ازاي نأذى ڤي يوم إنسان
ونخليه مكسور مجروح
زي ما نفسك يوم تتعامل عامل الناس بمحبة وخير
دي الكلمة الطيبة بتفرح وبيبقى لها سحر كبير
حب لغيرك كل اللي انت نفسك فيه وبتتمناه
والله الدنيا هتبقى اجمل وحياتنا هتتسمى حياة
لا دي أخلاق ولا ڤي الأديان
ليه نهين حد ده مش مسموح
ازاي نأذى ڤي يوم إنسان
ونخليه مكسور مجروح
اسم الاغنية : مرفوض
كاتب الاغنية : حماده السيد
ملحن الاغنية : محمد خلف
غناء : سلمي صباحي
العربية
