كلمات اغنية مليون علامة مصطفي امين.

زي بسمة صبح طالع ... زي قهوة في حضن شارع
همس دعوة في ركن جامع ... بين صلاتك والأدان
زي ترنيمة كنايس ... ضحك واد مجدع ودايس
فرحة في عيون العرايس ... زينة في بيوت الجيران

سيم في صفارة صحابي ... أسمعه و أقفل كتابي
وأجري ع الكورة في دولابي ... وانسي زنقة الامتحان
ريحة الطيبة في حارتنا ... دمعة باينة في عين جارتنا
لو يزور الهم بيتنا ... أو يضيق بينا المكان

للدفا مليون علامة .... والطيابة والابتسامة
وقفة الناس والشهامة ... في العزا جوه الصوان
مصر تشبيكة إيدين .. مصر تعشيقة حنين
وصفها يحتاج سنين ... فيها ريحة ناس زمان
سيم في صفارة صحابي ... أسمعه و أقفل كتابي

ريحة الطيبة في حارتنا ... دمعة باينة في عين جارتنا
لو يزور الهم بيتنا ... أو يضيق بينا المكان

 

اسم الاغنية : مليون علامة

كاتب الاغنية : أشرف الشافعي

ملحن الاغنية : صهيب شكري

غناء : مصطفي امين