من الان فصاعداً كلمة حبيبي انساها
اشكد كلتها اني إلك بس ما فهمت معناها
ها الكلمة جانت بالغضب بس انتهى مفعولها
قلتها وانت ما سمعت توبة بعد ما اقولها
حبيبي مو كلمة لين قبل بشر دواها
من الان فصاعداً كلمة حبيبي انساها
من اليوم ماكو حب بعد من اليوم كلبي نسيته
الغالي كلبي اتورطت ع الما يحن دبيته
مو سهلة دمعاتي ابد وتريد اضحي بيها
الدمعة اغلى من العمر مرات اذا نبكيها
ما فكر بحالك بعد كلمن يحير بروحه
سديت بيبان القلب غلطة وقبل مفتوحة
هسة اليحاول يطرب يبيع يمي العاطفة
ما صدق بحجيه اذا ما اشوف من عنده وفى
بيا الخيانة توسلت بس قلبي ما سواها
من الان فصاعداً كلمة حبيبي انساها
اسم الاغنية : من الان
كاتب الاغنية : ضياء الميالي
ملحن الاغنية : محمود الشاعري
غناء : محمود الشاعري
العربية
