من العسل خلفته
يا امه الجابته
كم مره شفت الكمر
كاعد على وجنته
كتله ولك حبني
جوه القلب خلني
مو كافي تفكيري بيك
ياخذني ويردني
تكتل كتل مشيته
تاخذ العقل طلته
من بيته لمن طلع
روحي انا تلكته
جيته نظر هالعين مية هلا
ذوقه عسل احساسه شنو
بكليبي البردان صوته دفو
ويلي واني اله
روحي اله مفصله
مو طين احس منخلق
مي الذهب هالحلا
حلم العمر حققه
سبحانه للخالقه
لو شافه عاجز ركض
والاخرس ينطقه
يسطر سطر مو بشر
والشافه انسطر
لو هوه شي مختلف
لو هوه تؤم كبر
بالروح اله بصمة عشك
وقلبي اله حصرا يدك
وياه اريد وياه اضل
نصه بشر ونصه عسل
منه ولا احد سلم
ياهو اليشوفه انصدم
بس بيه مدري شحصل
مو بيتي قلبي انهجم
سلمته قلبي ورحت
كتله بغرامك ذبت
ماهمني احد قبل
بس هوه بي ادمنت
بي روحي انا معلكه
بس هوه واكطع بعد
للموت اضل اعشكه
من العسل خلفته
يا امه الجابته
كم مره شفت الكمر
كاعد على وجنته
اسم الاغنية : من العسل خلفته
كاتب الاغنية : سيف الفارس
ملحن الاغنية : عامر رافت
غناء : حسام الماجد
العربية
