كلمات اغنية من دونها تايه مشعل بن عزاز.
تقابلنا على تل الغلاء والتل هناني
على خلي وقال الله خلك هز مافيــه
انا ياما جمعت احباب في الدنيا وخلاني
ولكن مثل خلك ذا وربي محد(ن) زيـه
جمال ورقةٍ منها تلعثم عضمة لساني
عجزت اوصف حلى خلك وماشافته عينيه
ضحكت وقلت خلي ذا ترى من كوكب(ن) ثاني
صحيح انها بشر لكن بالأوصاف حوريه
عيونن ناعسه والخـد من لـؤلؤ ومرجـاني
وثغر(ن)لاتبسـم كنه البدر اكتمل ضيئه
ونهد لانظرته من جماله هيض اشجاني
وردف مايل والخصر كنه عنق قمريه
تـرى من شافـها ياتل صابه عيل وجناني
وكثير اللي بهـم عيـله ومن صابته جنيه
حـلاها جابني والله غلاها غصب وداني
انا من دونها تايه غريب ومـالي اوطاني
وانا من شوقـها كني رمد ماحس بالكيه
وانا مجنونها والله وانا اللي حيل ولهاني
وانا اللي صرت ما اسيطر على قلبي ورجليه
يمشوني لها واصد ليني صرت وحداني
وانا مابـــي تقول فلان لي جابته حنيه
وانا بوصف حلى خلي وكاد الموت يلقاني
هلا بالموت دام العيش ماهو قرب غاليه
انا ابيها وانا اباها وانا لعيونها اعاني
وهي روحي نبض قلبي وحر الشوق ياحيه
ياجرح القلب يكفيني كفاية منك ماجاني
دخيلك لا تطول بالغياب وعجل الجيه
وبختمــها مـدام الوقت ياجرحي تحـداني
قسم محدٍ ينسيني غلاك وذي الختاميه
اسم الاغنية : من دونها تايه
كاتب الاغنية : عيسى الشهري
ملحن الاغنية : مشعل بن عزاز
غناء : مشعل بن عزاز
العربية
