منجيلكش في حاجة وحشة . تشتكيلنا ونشتكيلك
منشوفكش في اي حتة . وهو مين اصلا فاضيلك
اللي كان من فترة بينا . النهاردة مش باقيلك
دة احنا شيلناك فوق دماغنا . لما كله رفض يشيلك
وانت بتحب اللي تاعبك . واللي جارحك واللي غالبك
انت مؤمن بس قلبك . عمره مرة ما كان دليلك
كنت تعمل كل عاملة . واحنا بنفوت مجاملة
فبناقصها بقى المعاملة . روح يا عم لحال سبيلك
دا احنا شوفنا المر منك . يعني بص خلاص كفاية
دة اللي جاب في الصبر اخره . صعب يرجع م البداية
واحنا زي الورد يعني . محتاجين دايما رعاية
روح وما تضيعش وقتك . ماتحاولش خلاص معايا
هاتلي واحد بس حبك . الا لما تعب وعانى
ربنا بيهدي اللي عايز . يتهدي واحنا بأمانة
ياما دعينالك وبردو . مش مأثر فيك دعانا
اسم الاغنية : منجيلكش فى حاجة وحشة
كاتب الاغنية : محمود عبدالله
ملحن الاغنية : محمدي
غناء : شيماء الشايب
العربية
