ليلي ياعين هنبعت قذيفة في وقت الحروب تهد القلوب، سايقها يا حملة وقلبك رماك هنفذ معاك وأرضي كاسبة الرهان وكاسحة الميدان.
لفينا على الأرض ودورناها وتعبنا من غدر الأيام، في ناس برجولة قدرناها وطلعت من جوه مش تمام.
بيبصوا على الرزق ويحسدوا علشان فشلوا لما قلدوا، خوش يا فيلو سمعلي الدنيا واللي بيتكلم سكته.
هطير دماغك بسيفي الطويل ياقلة وعويل وداخل برجلك في أرض الهلاك.
تثورج نثورج و نسحب سلاح و مفيش سماح.
فركشهم واضربهم مقروطة واركن في الزاوية يا ركين، والبني عندنا في الكراتين للصبح في الشارع قاعدين من البلكونة سامع الزغروطة مبروك عليك ست الحلوين.
حياتي شايفها بعين الشيطان و صاحبي اللي خان.
هيعرف مقامي لما أغيب عليه.
الدنيا دي رحلة وعمرك يومين في هيئة سنين.
وآخرك لربك و راجع إليه.
تعد أساتك وتملى البنوك علشان بس باصص لعيشة الملوك، هتتعب وتمشي على أرض الشوك فكبر دماغك بتحسبها ليه.
الرجالة جت شدت اجزائها جدعان ودايماً على مبدأها، من غير ماتحلفلي بصدقها معندناش في الجيهة عيال من شرقها لغربها أبطال، وقت الدكن هاتلك شيال وأي جيهة نتحداها.
تبمبك معايا تأكل لوح إزاز/ ده عنتيل زمانه يجيب مني جاز.
دماغي دي بايظة مركب جهاز، بعيش والسلام.
هنا مليون سياف واللي يخش يبقى قتيل، سونكي بيدبح أي عويل، عندي صحاب في الشدة تشيل.
بحبك يا خاطفة العيون والقلوب.
في عشقك بدوب، وشايفك أميرة وقلبي إتجرح.
في نني عنيكي بحور الغرام وكل أما انام أشوفك في حلمي بفستان فرح.
أعيشلك حبيبتي وأموت فيكي موت
أنادي بأسمك وأجي بأعلى صوت.
وأحترت في خدودك كريز ولا توت و دايماً معاكي بحس بفرح.
لو نظرة منك يللي كأنك دخلتي قلبي و عقلي تاه.
انا مش هعيش بعدك مليش خليكي جنبي إنتي الحياة.
يللي في حضنك قلبي إرتاح نسيت خلاص عمري اللي راح وهبتدي من يوم ماشوفتك.
حبك مسح كل الجراح.
حبك عزيز على قلبي غالي ومعاكي دايماً انا مرتاح.
فيلو الشبح ومفيش بعده مدرسة للفن بيفتحها، كل اللي راكب بيساعده اردملي على الناس دي وريحها، شاعر الغية الامبراطور بكلمة يقلبها يمرجحها المتألق نور التوت المذيعين كلها يكسحها يا رب تم الفرحة بخير.
اسم الاغنية : مهرجان بحبك يا خاطفة العيون
كاتب الاغنية : غير معروف
ملحن الاغنية : غير معروف
غناء : فيلو
العربية
