انا قلبي شال هم الجبال والصبر طال ياعيني سندال أسد بطل حسد دي رجولتي دي بتكفيني، خلص الكلام والاهتمام مابيطلبش يا تمام.
يا حاقد يا حاسد يا باصص وقاصد يا فاشل يا فاسد آخرك رصاصة وتريح
رفايع بضايع وعايز فيكم صايع صنايع بختي ضايع دمك أوام يتسيح.
الدنيا دي سكة مرسومة وفي ناس من الفرح محرومة وناس على الشر معزومة.
أباليس دماغها بتتعامل هتمشي شمال يا اما يمين مش هيسيبوك كده في الحالتين.
اختار سكة من الاثنين مخك عطل شد فرامل.
يمينك يعينك وعرقك مش جبينك هتلقى الناس حابينك و تعيش بالك مرتاح، شمالك لحالك هيسرح خيالك ممكن تبيع فيها عيالك وتشوف دكن و سياح.
لو ربنا كان بيحبك هيحبب الناس كلها فيك طول ما انت سالك من قلبك هتلاقي ربك بيعليك مفيهاش صحاب يالا فيها أخوات جدع مسيطر من البشوات.
عاشر الجدع ولا تتخدع في الناس والاصحاب صاحب الفلوس دايماً يدوس والنية زفت هباب، حاسب على مالك وشيل قرشك لبكرا ده في ثانية تيجي الشدة و هتشيل الحساب.
مالك يابني بيا سيبني في حالي شوية انا صعبان عليا عينك لهتوجعك.
ارضى بمالك اللي في ايديك احمد ربك (الحمد لله) هيزيدك دي رجولتك يالا هتزيدك والغل ده هيوقعك.
انا جبت سلاح وخافوا مني ومسكت فلوس مزاملني معايا العدة عاوزني وكله يقولي روح قلبي.
ربيت الكلب واهو صاني مبعدش ثانية خلاص عني في الشدة كلها ناسيني ماشوفت راجل بقى جمبي.
على الصحاب ده قايل وشايل و عاملين زمايل.
يا حبة بدايل ده أنا هفضل واحد بس تطقوا تموتوا.
زمن مصالح كله رايح مين معالك ده صاحبي في المحنة خلع و عمل حكاية، وانا طول حياتي بعيش لناس خسارة فيهم جدعتني و رجولتي اعتبرهتهم هدايا.
أنسى الحريم نفض ليهم طبع الخيانة موجود فيهم، الصحة تخسرها عليهم ولا تستفاد غير التدمير.
أكيد حلالك حاجة تانية القرب منها بالدنيا اوعاك تغيب عنها ثانية
ربك يخلي طريقك خير.
انا كنت بحب صبية وشايلها انا جوه عنيا اديتها كتير حنية وعشانها تعبت شقيت.
طلعت مش قد كلامها عزمتني في كتب كتابها مش هزعل يوم علشان انا حب حياتي لقيت.
الرجولة مبدأ فينا ده طبع وعليه اتربينا من واحنا لسة في نشأتنا كانت الرجولة أغلى ما لينا.
أنا ابويا قالي ووصاني مسكتش يوم على اللي أذاني و قالي لو هتسيب حقك اوعاك تجيلي البيت تاني.
اسم الاغنية : مهرجان خلص الكلام
كاتب الاغنية : غير معروف
ملحن الاغنية : غير معروف
غناء : فيلو
العربية
