بلا غنى بلا سيط راجعين بجديد اتهدو شوية وكنو عايزين افكار طب خدو افكار اصحو العمالقة هيغنوا.
يادخيلة يادخيلة عاملين هوليلة والليلة راجعين هنرنوا حواديت حكايات على الناس مقامات واسمعنا يا بلديات.
في اللي بيتباهى بالعزوة واللي معاه واسطة وعلاقات واللي بيكذب كام كذبة ويصبح نجم الفضائيات.
مش بالالماظ والماس ولا البدل والجرفتات ياما ناس قفاش ياما في الاصل ولاد خواجات يابني القلب بدون احساس زي البحر بدون صياد.
لفي يادنيا دوري ياسنين ورينا طبع البني ادمين كلو بيتعامل بزئابة.
مانعرفش مين الخاينين واللي يتحكم يتغابى احنا في غابة ومش دارين.
لو على الصاحب مبقاش صاحب لو يتصاحب مش هيفيد
لو ع الاخ بينصب فخ وبيجرح من اول وجديد.
لو على الطيب فين الطيب ده بيجي من العيد للعيد.
فين يارجولة روحتي وجرشتي وسيبتي الناس ماشيين بيخونوا.
لو في الصيف الدنيا هتشتي القلب هيتغير لونه كل حياتكم ملهاش لزمة من غير رجولة انتو ايه تكونو.
صاحبك باعك متعاتبوش امشي وسيبو ماتلمهوش.
مبدأ عاش من جد لجد قليل الأصل ماتعرفهوش مش واقفة الدنيا دي ع حد وربك عني اكيد هيحوش.
ولع ولع شعلهالي اطرش كله بضرب الآلي فضي الخزنة وعمر تاني واضرب عشان الناس تصحالي.
الدخلاوية هتزيع ارفع ايدك فوق طوالي، يلي مسكت سلاح عورت وطلعت بخرابيش ع الهادي.
الدخلاوية خربوها الدنيا دي ولعوها الناس كانت واقفة وثابتة على الواحدة جوم رقصوها.
مرسوم خط ومتحدد القمة مين يسبقوها لو هتقلد هنجدد ده احنا اساسها اللي اخترعوها.
اسم الاغنية : مهرجان لسه هنذيع
كاتب الاغنية : غير معروف
ملحن الاغنية : غير معروف
غناء : فيلو وتونى
العربية
