انا مش عويل فيك عشان اغفلك
بس اوعدك انى اول ما تجمعنا الارض هقتلك
خلى اللى جوا جوا واللى برا برا ..
...............
بدأ التخصيم
وعلى الأسفلت مثيرنا فى مره هنلعب جيم
وقت الحكايات هتلاقو اخوات
واقفه على سليم
لو ع التغفيل فايقين من نحية اى حريم ..
احذر ياشمال
علشان مش اى راجل من ع الأرض بيتشال
لو ع المرازيه فى 100 عربيه تشيل فى الحال
كلها فى الهرى اسرع م الجرى مفيش أفعال ..
................
طالبه بحكايات وجاى فى نكش
اى اكشنات ماتشغلكش
انا هفلق وشك ياخروف ..
طلقه منى تخلص الحكايه
هتعاملنى تدخل العنايه
لو فى قلب يلا روح معايا
انت عويل ميت م الخوف ..
................
الشيطان واخدنى سكه شر
قلبى مش قابلنى منى فر
دى الصحاب عليا بتصفر
وانا هقلب ع الوش التانى ..
يالى شوفتو منى كل حلو
فيكو مش هحل هدى ملو
اللى يوم عليا هيحلو
م الاخر كدا هيعانى ..
..................
مش بالمانيهات
دا اللى صرفناه يعيشكو سنين جوا الامارات
لو ع التكريت كلها يا زميلى مسكت دولارات
على مين جاين كارفين اسلكو بطلو حوارات ..
روزمة متينات
ع اللى بيحرقو ويقولو أنهم ادونا ألوفات
لو ليكو هتاخدو اطلبو واحنا هنمضيلكو شيكات
دانتو يا جعانين بتعايرو فى بعضكو بالوجبات ..
..................
م الحريم بيفلت العيار
جوا منها فرن ايده نار
بتلاغينى عايزه ليل نهار
وانا ماشى وقاطع ودنى ..
الشمال بتعشق الذنوب
مستحيل فى مره يوم تتوب
بت قارحه فاتحه 100 جروب
وكرفتها لا تأبدنى ..
...................
اللى كان ما بينا فات ومات
انتى مين ياكلبة الكاشات
دانتى بتطلعى بفلوس ..
انت ابت واحده مشترك
كلو شافها نادى واشترك
قلبى لو عليكى يوم فرك
انا هقسا عليه وهدوس ..
.....................
انا مش مرتاح
انا بصحا وانام جوايا الام علطول فى جراح
جضيت مليت وتعبت بجد انا امتى ارتاح
غرقان جوايا احزان مبقتش شايف افراح ..
اه يا دنيا شمال
كل ما بسلكلك بلقا يمينك مش شغال
ملكيش لا عزيز ولا غالى وتقديرك للمال
مش شايف مبدأ ليكى وكل يومين على حال ..
....................
اتخنقت جوا منى شيلت
روحت فى الخمور عليكو غبت
افتكرت لما يوم تعبت
مانتو جرحتو فى قلبى ..
غصب عنى لما يوم حضرت
م الدموع عليكم انفجرت
لما فوقت كلو خد فى طرد
كان مين كمل جمبى ..
....................
اتلاشيتكو خدت منكو جمب
مانتو صوحبه واطيه بنت كلب
عمرى يوم ما شفت ليكو قلب
كلكو زى النسوان ..
نص عمرى راح معاكو هف
اتخنقت مخى منكو لف
اختفيتو لما جيبى خف
انتم يلا مش جدعان ..
.....................
مبدأكو رخيص
بتعيبو فى بعض وتتصورو كلكو ع الفيس
مطرح ما بتاكلو قوام تقلبو ملكمش عزيز
بتمرهمو للى يشخلل ويفكلكو الكيس ..
اه منك كار
مش شايف راجل فيك مجدع والله محتار
دا زميلى اللى انا على قرشى امنتو طلع صمصار
من اجل شوية فكه قلب علشان غدار ..
......................
خلق مش تمام تمامها قرش
ناكره للجميل ما تفتكرش
برا دانتو ناس ماتتعاشرش
مين فيكم قدر يوم ..
اتخدعت خدت بومبه فيكو
ياما عشت عمرى كلو ليكو
دا اللى كان معايا ضاع عليكو
فى الاخر مين بيدوم ..
......................
الزمان عنيد مفيش جديد
والقريب غريب صبح بعيد
اترميت ورحت فى الحديد
ومحدش طل عليا ..
م الليله دى هبقا حد ديب
مش هحل حقى مش هسيب
قلبى جوا غرفة تعذيب
مبقتش شايف بعنيا ..
معلومات الاغنية
▶ Social Media : شريف غزالة و مصطفي المصري
▶ Track : مش بالمنيهات
▶ Singing : امين خطاب و مصطفى الجن و هادى الصغير
▶ Lyrics : غباشي
▶ Music Distribution : دولسي
▶ Graphic Designer - Montaj : زيزو الاسود و مودى ديزاين
اسم الاغنية : مهرجان مش بالمنيهات
كاتب الاغنية : غباشي
ملحن الاغنية : دولسي
غناء : امين خطاب
العربية
