كلمات اغنية مهرجان مهما الزمن علاك تيتو وبندق .

أنا البصمة وبيا تعيشوا تتباهوا انا التاريخ كتاب وفيه مية “100” ألف قصة
أسكت بلاش ولا كلمة من يومنا واحنا قمة قاسين عليك والنعمة، ياعيال طرية و ناعمة.
مين اللي شاغلك مين اللي عاملك إنت عارف أصلك اي!؟
أيوة حارقك خمسة جايلك، لما جيتلك خوفت ليه؟
يلا جولة خد مزاولة قناصاتي مراقبة بيتك، طلقة رخمة موتة فخمة إنت حفرت قبرك بإيدك.
ليه لعبت من البداية وإنت عارف أني سيدك!
رن خصمك وأحمي جسمك ده العويل هيغفلك خش وألعب وأوعى تتعب صعب حد يشيلك
خلق واسعة عايزة لاسعه ليل نهار بيأسفنوا تليفوناتهم فاتحة بيتهم ليه علينا ينفسونا
من النهاردة اللي يرازينا، على نفسه هنحزنه.
هارشك وعارفك قلة ولامم لي بارتي و شلة وعاملي فيها بتطير وماشوفتلكش أدلة
أتعلم التخطير هاتلك ورقة وإتملا
عمرواية دخلاوية أحلى فرحة تضمنا فنطاظية خلق جاية فرحانين من أجلنا يلا بينا العين علينا عاوزين يبقوا زينا
أحنا عزوة هتعادينا تبقى هتسقط مننا
جيت نكشتك فـ اتفرشت مين يحوشك من إيديا
لما زورت الطلقة غورت خلاص فارقت الدنيا ديا

مش هشيلك مش هجيلك ماتجليش على سكتي
بند الرجولة ده بندي لو قلة هتكون جُندي لو كنت مش مظبوط ابعد وماتجيش عندي القمة هنا بشروط تغلط هتقلب هندي
آه يا زمان شقيتنى وقت الفرح بكيتني حتى الحياة اللي انا جيتها ماعشتهاش وعاشتني في ناس كتير حبتها
مشيت أوام وسابتني قلبي سابني وإنتبدني قالي ليه بتخلصلهم دول سابوك غدروا و باعوك وإنت عشت تودهم!!؟
عُمري ما أندم على اللي باعني، ربنا يعوضني خير، أيوة وحدي، طب ايه يعني أحلى من قاعدات كتير.
أصلي شوفت الكل زيف، ومحدش عنده ضمير.
الدنيا مش دايمالك يا اخويا ارضى بحالك و صحتك لو راحت ماتجيش يا صاحبي في بالك
الناس خلاص بتتجاحد على نفسك خلي بالك، أحذر عدوك مرة من صاحبك 1000 مرة.
من برا ناس حلوين من جوا ناس مصفرة، الدنيا سلف ودين والعيشة حلوة و مُره.
من هنا بيغني اسلام المصري في مهرجان مهما الزمن علاك
عينيكو راشقة أصلي بشقا، قرشي من عرق الجبين، خف حبة تزيد محبة مش بحب البصاصين
إسمي كافي قلبي صافي شاب كاسر عين حَمَل، خوفي شايله وموتي جايله هتزاولني مفيش أمل.
حوده بندق/ مَهما الزمان عَلّاك ومهما كنتم لسة صغيرين في نظري تلاميذ تأخدوا حصة
أنا البصمة وبيا تعيشوا تتباهوا انا التاريخ كتبوا فيه مية ألف قصة، فاكرني إيه هسكت وأقول المسامح كريم.
لأ بعد إيه! تعالوا ليكم حساب قديم.
هفضل أساس تفتكروا أسمي تدمعوا، وتقولوا هو ده اللي عيشنا في نعيم.
 

اسم الاغنية : مهرجان مهما الزمن علاك

كاتب الاغنية : غير معروف

ملحن الاغنية : غير معروف

غناء : تيتو وبندق