ياللي بتبصوا في عيشتنا
انتوا عايزين منا ايه
ليل نهار جايبين سيرتنا
ومش سايبنا في حالنا ليه
إرحمونا خلاص تعبنا
من عينيكوا الوحشه دي
وشيلوا عينكم من حياتنا
وسيبونا بقي في اللي إحنا فيه
مش كل ما ربنا يدينا تغيروا وتغلوا
والنعمه لما تبان علينا تبقوا هتتجنوا
ياناس ياشر كفايه قر
من أذانا هاتاخدوا ايه
دا العسل بقي طعمه مر
من كتر بص عينيكوا فيه
واللي بيحسدنا على راحتنا اللهي ربنا يشقيه
واللي مش طايق سيرتنا يارب كره نفسه فيه
واللي نيته من ناحيتنا سوده زيه إقلبها عليه
واللي مالهوش شغله وفاضلنا إشغله عننا والهيه
وبدل ما فينا عمال يرازي
مستكترين الدنيا تضحك لينا ليه ونفرح يومين
هي ليه الكحكه عجبه تملي في إيدين اليتيم
صعبان عليكوا ليه تشوفونا فرحانين ليه ومبسوطين
دا احنا طالع عين أبونا وتعبانين مش مرتاحين
الرزق لما يدق بابنا تبقوا عايزين تمنعوه
مش كل قرش يخش جيبنا تبصوا فيه وتنظروه
حلوا عنا حرام عليكوا دحنا في القرش شقيانين
وبطلوا الغل اللي فيكوا وارحمونا من دي عين
اسم الاغنية : ناس رخاص
كاتب الاغنية : عمرو قطب
ملحن الاغنية : عمرو قطب
غناء : محمد سلطان
العربية
