نصيبها مجاش وزعلانه
ورايحه وجايه سرحانه
لأن فلانه و فلانه
خلاص ارتبطوا قبليها
صحيح مش حاسه بالغيره
لكن شايفه انها كبيره
وسيرة السن دي سيره
بقت فعلا بتأذيها
يحاولوا يفرحوها ساعات
بأي حاجات وما بتفرحش
بقت بتخاف من المرايات
لا تلمح عيب ما يتصلحش
وعايشه ما بين ملل وروتين
ودايما حاسه بالإحباط
تشوف مشهد ف فيلم حزين
ساعات بتقول بصوت عالي
اكيد الدنيا شيلالي
مفاجأه ما جاتش علي بالي
ومش حتسيبني قلقانه
ويوم ما حبيبي حيجيلي
حاكون اسعد بنات جيلي
وحاحكيله ويحكيلي
عن الحب اللي جوانا
مسير الحلم ف المواعيد
حييجي اكيد ويبقي بجد
يقرب ربنا اللي بعيد
ده ما بيرضاش يزعل حد
تملّي بنكره التأخير
ونستعجل علي الأحلام
ونكتشف ان كل الخير
معاده الصح كان قدام
اسم الاغنية : نصيبها مجاش
كاتب الاغنية : محمود عبد الله
ملحن الاغنية : احمد عمار
غناء : هلا رشدى
العربية
