الحياة مش مستحيلة صعبة لكن تحتمل
لسه فيه باليد حيلة لسه فيه مليون أمل
كل حاجة بالتراضي ياما قالوا بالخناق
اقنعوك أصبحت راضي تنسى معنى الاتفاق
يعني هل دلوقتي حالنا حال مودة بين زوجين
نحكي ايه بكرة لعيالنا سيبنا روحنا وروحنا فين
احنا محاولناش نفكر ايوة محاولناش بجد
قولوا مين فينا اللي قرر ننفصل او ننسى بعض
تيجي نسترجع مشاهد من حياتنا ومن اللي فات
خلي قلبك بينا شاهد واسأليه ع الذكريات
فاكرة تاني لقاء ما بينا كان في بيتكم بعد فترة
حبتيني بسرعة جدا وفي حنانك كنتي شاطرة
فاكرة لما كنتي حامل في الملاك اللي ما بينا
كنتي حلوة مش بجامل بس كنتي تخينة سنة
واما جه بسلامته شرف خدنا عهد نعيش عشانه
مش بأثر بيه عليكي ده اللي بينا كتير يكفي
ايوة مش هستغنى عنك حتى قلبك جه في صفي
واخدة بالك ايه اللي حاص ان انا الزعلان مش انتي
بس مش عيب اما اصالحك وتقوليلي انك سامحتي
اسم الاغنية : ننسي بعض
كاتب الاغنية : غير معروف
ملحن الاغنية : غير معروف
غناء : احمد المغيني
العربية
