بو علي وشحال قايدنا خليفة
الزعيم اللي بوقفاته نماري
الكبير اللي سكنا ظل ريفه
وارتوينا فيض خيره سيل ياري
واعشبت لسيوح خضراها وريفه
سامقة بظلالها من جود داري
واغدغت لمزون وسميها نفيفه
فوق دار طيبها ضافي وخاري
سلم النا عالذي نفسه عفيفه
بلغه بشعورنا والشوق ساري
له نسوم العمر والميقاف ناري
من قروم اشراف وانفوس شريفة
هم سوار الدار وليوث ضواري
هم حماة الدار هم درعه وسيفه
هم نجوم الليل في خرس غداري
لو نعيش العمر واللقمة رغيفة
عندنا اتساوي ملايين المصاري
ما نخلي الدار لنفوس ضعيفة
ما تخاف الخالق المعبود باري
والتحايا اعداد واعداد رضيفة
فوقهن عشرة على عشرة ندراي
بو علي سلم على الوالد خليفة
شيخنا اللي في مواقيفه نماري
اسم الاغنية : والدنا خليفه
كاتب الاغنية : هزاع ابو الريش
ملحن الاغنية : محمد الشحي
غناء : محمد الشحي
العربية
