كلمات اغنية يا حبيبي نوال الكويتية.
أبي صوت يعبر عن شعوري
وأبي قلبي يحس بـ يوم راحة
أبي أعرف مكاني وويـن دوري
وأبي أعلن محبتنا بـ صراحة
وأقول للعالم أحبـك .. أحبـك أنا أحبـك
ويسعدلي مسا هالحـب . ويسعدلي صباحة
---
إلتفتلي .. إلتفتلي
من وأنا صغيرون أحبك
وإنت لاهي أحبك
وحيل حيل شديت إنتباهي
وأنا أدري .. إي والله أدري
ولا هو بإتجاهي
منشغل منشغل عني وساهي
آه يا عمري إنت .. يا عمري إنت
مايخالف بعذرك
أدري طبع الدنيا التلاهي
صـورتك , وجهـك , وصوتك
لاحقونـي بكل مكاني
نظرتك , همسك , سكوتك
سبـّت الحب اللي كان
وأقول للعالم أحبـك .. أحبـك أنا أحبـك
ويسعدلي مسا هالحـب . ويسعدلي صباحة
---
يا حبيـبي .. يا حبيـبي
الدقيقـة تفرق بـ عمر الزمن
وحبّي لك غربة وعيونك وطن
أنا إنتظرتك من زمان
وآه آه يا أول حب يشغلنا
مادري تأخر الزمان
والا إحنا تأخرنا
إنتظرتك كـم سنة
وشنهو آخر حبنا ؟!
أنا ودّي وإنت ودّك
والجواب ياروحي عندك
أنا أحبـّك , والله أحبّك
أنا أحبـّك .. وأدري ترجع لـ حبّي مردّك
ويسعدلي مسا هالحـب . ويسعدلي صباحة
اسم الاغنية : يا حبيبي
كاتب الاغنية : الجرح
ملحن الاغنية : انور عبدالله
غناء : نوال الكويتية
العربية
