آه آه يا حلو
يافرحة أيامي الغلو
يا لون جديد في أولو
قبل الربيع طلّ الزهر
و أهداك منو قرنفلو
جات الطيوب أعواد تميس
من طيبا أهدت صندلو
و اتجمعت كل الطبايع
و قالوا ليك طبعك براك هاك أعزلوا
و عزلت طبعا كان معاي
من ما وعيت بتخيّلو
كنت فاكرو المستحيل
لكن بديع الكون إذا ما
أهدى مين البسألو
بس لودادك نسألو
كل البحسوا ويعدلوا
في حسنك الكل يوم معاي
وريني كيف بتشكلّو
ألوان من البهج الرفيع
لون سمانا وحملو
ألحان من اللهج الوديع
شق المسامع بلبلو
تحنان وطيبة ناس زمان
شالوا السماحة وشيّلو
انسان مضمر شايلو بان
غازل غماما هطّلو
أنا في رجاك هاك روحي
من فيض حنانك بللو
لو شئت ياسحر الجمال
بالمرة قصّو وفللو
ما إنت ما إنت الجميل
ما إنت ما إنت الحلو
اسم الاغنية : يا حلوة
كاتب الاغنية : غير معروف
ملحن الاغنية : غير معروف
غناء : عبد الكريم الكابلي
العربية
