صغيره كبرتي وصرتي تحجين
صار لسان عندج وافتهمتي
ومن شفتي كبر حبنا نسيتي
ومن سألوج بسرعه نكرتي
كبر صاير ولد حبنا الصغيرون
وبلا حسد اكبر من حسرتي
بس لو ادري ينسون الي يكبرون
لا كبرت حبنا ولا كبرتي
واني صغير ارسم دمع وعيون
اثار احساس عندي بهايه قصتي
ما يدرون هسه شلون صرتي
ما يدرون البريئة تحولت ذيب
وضحكتي سابقا صارت دمعتي
تغير من غدرتي كلشي وياج
وضحكتي العاليه صارت سكتي
جنت غابص العالم واهس اطفال
هسه واهسي صار بصفنتي
وجانت هيبتي تخوف الي يمشون
راحت هيبتي صارت كسرتي
واصلا مو عرثتي المنها مجروح
بس كدام شماتي عثرتي
يسمونج صغيرونه غشيمين
انتي اكبر جرح بيه انجرحتي
وبعدج طلكتهن كل الجروح
وانتي اخر جرح باقي ع ذمتي
ياصغير اصفكلج واهنيج
وارفع رايتي انت انتصرتي
لان ثقيت يوم من الايام
وامنت الهوى وخان بشمعتي
اليعض اصبع ندم بالحركه يرتاح
ومو عضيت انا مكطع عشرتي
يمكن شمس تطفى بجيت الليل
بس ياهو الي يطفي لي جمرتي
ياتربات ايدي هيج اليخون
وياايدي عسى كون انكسرتي
اسم الاغنية : يا صغيرونـه
كاتب الاغنية : غير معروف
ملحن الاغنية : غير معروف
غناء : علي الفريداوي
العربية
