مين قال العلام في بلادنا قديم
لا داحنا تمام آه والله العظيم
سلاح التلميذ موجز ولذيذ
نماذج إجابات مافيهاش تحفيظ
يا هناه ياهناه اللي يتعلم عندنا
أبله عطيّات بتاعت الدراسات
هتغيب أسبوع هيّصوا يا ولاد
وعلينا فصول سيراميك بالطول
والحمام إيه دايماً مغسول
ولا طلبة كتير ولا فيه طوابير
أيوه امال إيه هو احنا حمير
أستاذ عصفور ده الإمبراطور
لو علمي علوم عديت فور شور
والكل اخوات في الإمتحانات
وسؤال بسؤال خد مني وهات
رزقك موجود رغم الشهادات
وبإذن الله مندوب مبيعات
قالوا في أروبا العلام جامد أوي وفي السليم
معلش بقى في الكلام داحنا الجديد والقديم
مصاريف وفلوس وحاسب آلي
وده كله لمين غير للغالي
والوضع جميل أنا متفائل
عندنا هتشوف مستوى هايل
لو شفت زبون خطوته جايباه
قلبه دليله سيبه على عماه!
والناظر ياه بلسم يا ولاه!
راخر محبوب لله ف لله
اسم الاغنية : يا هناه
كاتب الاغنية : غير معروف
ملحن الاغنية : غير معروف
غناء : حمزة نمرة
العربية
