ياذا النجوم الي شراتي سهارى
قولي لنجم الياه يطلع مع سهيل
خلٍ احبه سر ماهو جهارى
ودي بشوفه واعسرتني المواصيل
لو كان حبه وسط دمي تسارى
الجم احاسيسي كما لجمة الخيل
دايم عن عيون الوشايه حذارى
ماينال منه صاحب القال والقيل
له من الغلا روحي نهورٍ تجارى
مثل الفرات ونهر دجله مع النيل
مزيون من زينه يحير العذارى
اهيف زريف الطول حلو التعازيل
بو يادلٍ جاني على الردف كليل
كل الحسن لا شاف حسنه توارى
غرٍ ذبحني بالعيون المداليل
روحه لطيفه طيب ولا يجارى
الفاتن الي له بقلبي مداهيل
ياضي جبينه مثل شمس النهارى
يسني سنا خده ورى مرهف الشيل
اسم الاغنية : ياذا النجوم
كاتب الاغنية : حميد النيادي
ملحن الاغنية : فايز السعيد
غناء : حسين الجسمي
العربية
