كلمات اغنية ياشين الهجر عبدالله ال فروان.
استكن الليل والعاشق تنبه
والجريح بنوم عينه ماتهنا
والهوا ذعذع نسيمه من مهبه
والحمام اللي على الاغصان غنا
وانت ياللي لا تعاض ولا تشبه
امسح الدمعه من عيون المعنا
وارحم اللي طاري الفرقا لعب به
يتوجد ويتردد ويتمنا
اه ياشين الهجر بعد المحبه
واح ياهمٍ ورا صدري تبنا
حبنا في بعدك اللي مانحبه
واشتحن ولغير قربك م اشتحنا
وانت قلبك فالهوا يازين اربه
ماعشق في بعدنا شخص بدلنا
انت جرح اللي يحبك وانت طبه
الوحيد اللي له القلب يتعنا
طف جمر الشوق تكفى لاتشبه
لا يصير الوقت منا وانت منا
ياعيون الحر الاشقر في مربه
ياليان العود لا قام يتثنا
لب صوتي كل ماناديت لبه
واقرب وقرب لي الكف المحنا
لا تجي من صوبنا جية مشبه
ولا تعذر بالظروف ولا تونا
بيننا ما للجفا يازين سبه
الله الله فالوصل لا تمتحنا
اذكرك واحن واهوجس واسبه
منك حالي يابعد حالي تدنا
كل يوم امر مدهالك وانبّه
وانعزل في سكته كني مجنا
والله ان دمع المحاجر مايصبه
غير ذكراً بين كنت وبين كنا
اسم الاغنية : ياشين الهجر
كاتب الاغنية : خالد ال سليم
ملحن الاغنية : عبدالله ال فروان
غناء : عبدالله ال فروان
العربية
