كلمات اغنية ياقلبي ياعصفور وردة الجزائرية.

يا قلبي يا عصفور بجناحك المكسور
عايز تطير على فين يا قلبي يا مغرور
طول ما الجناح مكسور
كل الفضا شبرين وأقل من شبرين
يا قلبي

غنيت للحب كتير من غيرما تآمن فيه
ومن قلب لقلب تطير واللي بيهواك ترميه
يشكي لك الامه يحكي لك غرامه
ولا ترحم دموعه ولا تسمع كلامه
وتقول الحب ده وهم كبير
دي الوقت صبحت ف ايده أسير
مش قادر تبعد أبداً عنه
ولا عارف تخلص أبداً منه

عايز تطير على فين دور في مكانك دور
طول ما الجناح مكسور
كل الفضا شبرين وأقل من شبرين
يا قلبي

الحب يا قلبي رماك على قلب مالهش امان
بصفي حسابه وياك عن قلب جرحته زمان
كان عايش بجرحك يشكي لك وتضحك
صبحت انت تشكي والغادر بيضحك
دي الوقت الماضي بتترجاه
واللي انت رميته بتبكي هواه
وعرفت النار م النور والكاس ازاي بيدور

فهمني يا مغرور بجناحك المكسور
عايز تطير على فين دور في مكانك دور
طول ما الجناح مكسور
كل الفضا شبرين وأقل من شبرين
يا قلبي


اسم الاغنية : ياقلبي ياعصفور

كاتب الاغنية : حسين السيد

ملحن الاغنية : محمد الموجي

غناء : وردة الجزائرية