هلا يا مرحبا واهلا هلا بالغالي المفنود
هلا به ياهلا و أهلا إلي في خافقي مغلاه
هلا ويا مسهلا ورحبت به ترحيب عد النود
هلا باللي زهى داره وداري وبوظبي مرباه
هويت النايف المرموق وأهوى بو عيونٍ سود
منايه ومنوة العشّاق، خلّ خافقي يهواه
خذا حسن الدهر كله وغدى لي من عجيد الخود
واذا شفته ذكرت الله ويا سبحان من سوَواه
سحاب الحب وأمطاره علينا بارقٍ و رعود
علينا الراعبي ايحوم وبلحن الهوى غنّاه
غرقت ف بحر حبّه واعلنوا باني انا المفقود
أو أني في بحوره ضايع لي ما لقى مرساه
تخيلت الهوى سكر حلا واذوب لو موجود
ومنه احلوّت أيامي وأنا دنياي من دنياه
انا كله وهو كلي لنا حب بليّا حدود
انا لا حيّ من دونه وانا لا عاشقٍ لولاه
عليه أغار من عينٍ تشوفه وخافقي مسدود
واموت ان سار واحيى يوم طيفه ياب لي ذكراه
عـلاج النفس وعلاجي وشوفه يبري الميهـود
سعيد الحظ من شافه و من اللي تشرف ابلقياه
اذا يطري على بالي دعيت الباري المعبود
عسى المحبوب يبقى لي دعيت الرب لي يحماه
اذا هاج الشعر به صار لي في شعري المقصود
اذا طيفه يراودني اقول يعلّني افداه
اسم الاغنية : يامرحبا وهلا
كاتب الاغنية : كلمات :سعيد بن حامد آل حامد
ملحن الاغنية : ألحان: فايز السعيد
غناء : احلام
العربية
