خايب ساعة الگشرة
اذا طگ الفشگ مرة
طگنة موش طگ غمان يطيح العالم بكبره
زلم مو بس كلام السان نلعب جولة بلميدان
ولد شيوخ مو لملوم واسمنة ثابت العنوان
مخلوقين للكلفات والهدة تلوگنة
اليصاحبنة ولا خسران مبخوت اليصاحبنة
طگينة ياموت احضر طگينة يا موت احضر
طگينه يموت احضر طگينا ياموت احضر
بينة يعيل يازلمة نحفر گبرة ونطمة
زلم لو صار طگ بيوم ظهر العايل نفصمة
نصعد علمناية صعود مثل طگنة ولا موجود
لو نغتاض احنة بيوم ندگ فوگ المناية حدود
وكت الضيج والهدات ضلمة الدنية نگلبهة
الدنية بساعة الكلفات نعدلهة ونخربهة
طگينه يموت احضر طگينا ياموت احضر
احنة بساعة الطگة بيت العايل نحرگة
حلگ الدنية وكت الضيج نكضة بچفنة ونشگة
لو مرة نهد ونغير نسوي اللي ابد ميصير
وحتى عونة مانحتاج بلغثنة ابد منحير
نطيح بيوت من نغتاض وكل الدنية نسبيهة
العالي انزلة جوة الگاع ونخبطهة ونصفيهة
طگينة ياموت احضر طگينة يا موت احضر
طگينه يموت احضر طگينا ياموت احضر
اسم الاغنية : ياموت احضر
كاتب الاغنية : احمد الميالي
ملحن الاغنية : حسن الجابري
غناء : سالم البصري
العربية
