كيف يمكن أن أكون مدير مشروع Project Manager؟
خبرتي في هذا المجال مش كثير تقريبا 3 سنين لكن كان كانت في اول خبرتي العملية رغم ان خلفيتي التعليمية كانت مختلفة شوي لكن الحمد لله اشتغلت بادارة 3 مشاريع مختلفة في مرحلة تأسيسها ولاتزال مشاريع فعالة وناجحة وحاليا انا بشتغل بادارة المنتج الي بتختلف في بعض الأمور عن ادارة المشاريع
هسا عشان تكون مدير مشروع بيلزمك أكثر من اشي
الأولى القدرة العالية على تعلم وتعرف عن كل شيء(مش شرط تعرف تفاصيل لكن معرفة جيدة) عن المشروع من كل النواحي يعني شوية محاسبة على تسويق التقليدي والكتروني وعلى طبيعة المشروع (برمجة/تصوير/أكل) اذا كان برمجة تتعلم مسطلحاتهم والية عملهم مثلا والادوات الي تستخدم لبناء المشروع
تتعلم اساليب القيادة تقرا كتب او ملخصات كتب تحضر للدكتور" طارق سويدان" عن الادارة ونظام تحليل SWOT بعد هيك تختار الاسلوب الي بناسب شخصيتك وبكون سهل عليك اتباعه
تتعلم تعامل مع البشر صح والموظف واتخاذ القرارات ولازم تتحمل مسؤوليتها فلازم هذا الفن تتقنه "فن اختيار المعارك"
تتعلم كيف تقددر وتدير مدخولات ومخرجات المشروع يعني معرفة مالية جيدة جدا بالتكلفة والايرادات وغيرها
لكن موضوع التسويق لازم يوخذ حيز كبير من تعليمك لانه اذا المشروع ما نجح (يعني وصل للجمهور صح) رح يبطل في مشروع عشان تديره P:
وطبعا صاحبك الي ما بفارقك هو "الدورات الالكترونية" كل اشي بتلاقي في دورات عليه عشان تتعلمه بدك تكو منتبه وعارف وين بتدور
جوجل بساعدك جدا اذا بتعرف تستخدمه وتدور على الاشي الي انت بتتعلمه وكمان تقريبا مافي خدمة بتفكر فيها او ادوات مساعدة (Tools) بتحتاج تستخدمها الا موجودة online بس المهم تعرف تدور مزبوط
مدير المشروع مسؤول تقريبا عن كل اشي فلازم تعرف كل اشي بصير ودايما جرب اشتغل الاشي الي بدك في حدا يساعدك او موطف قبل ما توظفه كثير مهم تعرف الية شغل الاشي قبل ما تسلمه لحدا عشان تعرف هو بمشي صح ولا لا
طبعا في شركات ما بتقبل غير حدا خبرة او بشهادات برضه بتقدر توخذهم اونلاين
العربية
