اول وابسط أداة احنا غالباً بنستخدمها هي جوجل.. وفعلا بساعدك أكتر من مرة تخطر ببالي افكار ريادية وابحث عنها بجوجل الاقيها مطبقة بالضبط متل ما هي ببالي.. ممكن تستخدم في البحث عدة كلمات مفتاحية وبأكتر من لغة..

اما اذا كانت فكرتك تتعلق بالملكية الفكرية مثل براءة اختراع منتج معين.. لازم تروح على أحد مكاتب الملكية الفكرية في بلدك وغالباً بكون الهم مكتب في وزارة الصناعة والتجارة.. وهناك بطلبوا منك مجموعة من الوثائق تتعلق بالمشروع وهمو بتحروا عن الفكرة بحيث بكون عندهم غالباً تواصل مع معظم دول العالم ضمن مجموعة من الاتفاقيات الدولية.. هذا المكتب بخبرك بعد التحري اذا موجودة في البلد نفسه أو في بلدان أخرى.. وإذا ما كانت موجودة بسجلك اياها لحفظ حقوق الملكية الفكرية...