المحتوى

ما طريقه عمل الفراخ المشوية علي الفحم ؟

الكاتب: يزن النابلسي -

ما طريقه عمل الفراخ المشوية علي الفحم ؟

 

بعد تنضيف الفرخه جيدا من الاحشاء بنحطها فى مايه وخل  عشر دقايق وبعدين نخرجها ونقطع زى ماتحب ممكن ٨ اوك ٤ ماشى او ٦ عادى على حسب الرغبه بس انا بقطها ٨ الصدر بقطعه نصين والورك العوكاز لوحده والتبطيته لوحدها ويكون مجهزه جمبى بصل بفلفل اسود وملح وليمون وبهارات بنتبلهم فيها ونقعدهم لتانى يوم لو مستعجله ممكن تعملى التبيله دى من الصبح بدرى وتبدى شو الساعه ٢ مثلا بس انا بفضل انى ابيتها فى التبيله وقبل الغدا بساعتين ببدا اشوى بجيب الفحم وبعدين اجيب ورقه واولعها واحطها فيه وبكراسه واقعد اهوى عليها لحد اما الفحم يمسك فيه النار وبعدين بجيب الشبكه بتاعه الشوى واحطها على الفحم وابدا انزل بالفراخ عليها واخلى بالى منها لحسن النار تطفى اهاه قبل ما احط الفراخ على الشبكه وهى فى طبق التبيله بمسكها واعصرها فى ايدى علشان لو فيها مايه تنزل ونحطها على الشبكه وبنفضل نهوى عليها لحد اما تستوى 
ملحوظه من الأفضل انك تشوى فى البلكونه شممى الجيران ولا تخنقى نفسك فى شقتك
شارك المقالة:
37 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم