ماذا أفعل للتخلص من الوزن الزائد الذي كسبته في رمضان؟
لو إحنا خربنا الدايت وكسبنا وزن خلال رمضان شو أعمل..!!؟
هل بحرم حالي من الأكل كله وبضل بس على ماء؟! أو بنام بدون عشاء ؟!!
أو بلعب 5 ساعات رياضة وبجهد جسمي؟! أو بصوم يومين بدون ما أكل إشي؟!
لا لا ما تعمل ولا إشي من هدول ولا ترهق نفسك وتفكيرك .. يلا نكمل المشوار بس بإرادة وعزيمة والتزام أكتر...
بدون إحساس بالذنب أو تأنيب ضمير أو إحباط بدنا نكمل اااه.. لأنه التفكير السلبي مرهق لصحة الجسم وما حيكون الحل ولا حيكون الحرمان هو الحل كمان..!!
متل ما ضميرنا أنبنا لزيادة الوزن بدنا نقويه أكتر بإرادة وإصرار أكتر.
حتى نحصًن وزنا بالعيد كمان لازم ما تخطر ببالنا هاي الأفكار السلبية القاسية على صحتنا.. بدنا نستمتع بالعيد وناكل معمول لكن مو بكمية مفرطة..
كل زيارة أو عزومة بدنا نروح عليها وما بدنا نردها لانه مسيطر علينا وزنا واتباعنا لحمية..بدنا نستمتع بالعيد وناكل ونجامل الكل لكن بحدود معقولة.
ما تخلي طبقك الرئيسي خلال العزومة كله حلويات خليه متنوع بالبروتين والخضار والنشويات وحاول قدر المستطاع تاكل حلو ومعمول بكميات قليلة ولو كان متوفر الفواكه نستبدلها لحتى ما نستهلك كميات حلو كبيرة ويصر عنا تلبك معوي ونجمع سعرات حرارية ونحنا متخيلين انه ما عم ناكل شي..
كل حبة معمول فيها تقريبا من 150-200 سعر حراري لو أكلنا 10 حبات باليوم حنلاقي وصلنا لكمية إحتياجنا من السعرات الحرارية الكلية من خلال الحلو..
لهيك إستمتع وجامل الكل بس بالمعقول مو على حساب صحتك.!!
وبعد ما تخلص هاي المناسبات بترجع لترتيب وتنظيم عدد وكمية الوجبات ونوعيتها.. بترجع تلتزم بشكل أكتر بالرياضة ..بترجع تنتبه لكمية الخضار والفواكه يلي حتاكلها..بترجع تشرب لترين ماء..والكثيييير من العادات والسلوكيات يلي بيومك كنت متعود عليها ‘وهيك ما بتكون حرمت نفسك وعيلتك من الإستمتاع بالعيد ورمضان وأكلت كل شي بنفسك...
العربية
