معلومات حتى لاتكون فريسة للنصب والاحتيال في تركيا
حتى لاتكون فريسة للنصب والاحتيال
السلام عليكم اخواني و اخواتي انتباه رجاءا
اكو حالة احب انبه عليها و راح اشرح شرح بسيط الها حتى الكل يصير عنده علم و ميتعرضون للنص او الغش او يدفعون اكثر مما هوه مستحق
عندنا موضوع الاقامة
هواية داشوف يطلبون عليها الف دولار للشخص الواحد!
طبعا راح اشرح موضوع الاقامة و اجراءاتها و تكاليفها المضبوطة
اول شي عدنا الشي الاساسي بالاقامة (السيغورتا) الضمان الصحي
كل شخص يريد يقدم اقامة لازم يكون عندة ضمان صحي عدا حالتين
اذا اقل من 18 سنة و اذا اكثر من 65 سنة ميشملهم نظام الضمان الصحي
شنو الضمان الصحي: الضمان الصحي هي ورقة تخليك تراجع مستشفى او تشتري دواء بلاش الا في حالات معينة يعني متشمل كلشي مجاني
يختلف سعر الضمان حسب العمر
كلما زاد العمر كلما زاد مبلغ الضمان للشخص
لكن ميزيد عن 1200 ليرا (تكدرون تبحثون بالنت عن الاسعار الصحيحة لان ماعرفها بالمضبوط)
يتم دفع مبلغ الضمان الصحي بدائرة الضمان الصحي والافضل انتو تدفعوه بيدكم حتى تتجاوزون النصب
ثاني شي مهم رقم الفيرغي (رقم الكشف المالي)
هذا يطلع بلاش بدون اي مبلغ من دائرة المالية
ثالث شي عقد ايجار او عقار ملك
و جواز
عقد الايجار يحتاج تصديق من النوتر و تصديقة ب339 ليرة مو اكثر هوه والترجمة
والجواز مداتذكر المبلغ بالمضبوط تقريبا 60 ليرة هيج شي
يعني المبلغ الكلي للترجمة والتصديق ميتجاوز ال450 ليرة
هذا كل اللي تحتاجة بالاقامة حسبوهن و قسموهن على سعر الدولار لليوم و يطلعلك مبلغ الاقامة الكلي لتكلفة الاقامة...
العربية
