باريس جميلة ليلا ونهارا وصعب جدا اني اختصرها في تقرير واحد لكن بحاول في هذا التقرير اني استعرض أهم الاماكن السياحية في فرنسا وأهم الأمور اللي لو زرتها مهم تعرفها
قبل ما تعرف رايح فين لازم تعرف كيف توصل ????
السير والتنقل- ما تخاف ما بتضيع
-في باريس شبكة مترو ضخمة متفرعة على طول المدينة وعرضها
– وفيها شبكة توصلها بالمطارات ففي باريس مطارين دوليين
– وشبكة توصلها بالدول التي حولها بالإمكان أن تستقل من داخل محطة المترو قطار لالمانيا مثلا.
– تكلفة تذكرة مترو باريس 1.4 يورو لكن لو اشتريت مجموعة عشر تذاكر فبتحصل على تنزيل تصل التذكرة الى يورو واحد.
– تذكرة مترو باريس ذاتها تستعمل ايضا للحافلات. ما يميز المدينة ان فيها شبكة موصلات متوازية واحدة فوق الارض- الحافلات واخرى تحت الارض-المترو.
– بدأت باريس تتوجه نحو استعمال المترو من غير سائق فحوالي تقريبا 30 بالمئة منها بدون سائق.
– يستقل الشباب المترو أكثر أما كبار السن يستقلون الحافلات أكثر نظرا لكون مبنى محطات المترو قديم وبغالبيته أدراج/سلالم عادية وليس كهربائية لكن التجديد والتغيير ملحوظ لما كنت هناك مثلا كانت بعض المحطات مغلقة للترميم والتصليح.
– وتيرة مرور المترو كل بضع دقائق فلا تقلق ان فاتك المترو.
-والاهم الاهم رغم تنوع وكبر شبكة المترو لكن انت مش ممكن تضيع لان في مدخل كل محطة مترو في خارطة بكل الخطوط
وبتقدر تعرف اي مترو تختار حسب المنطقة اللي رايحها وفي داخل المترو نفسه في خارطة لمسار المترو وكل ما بتوصل محطة بتنور اللمبة فوق اسم المحطة اضافة لانك بتسمع تسجيل باللغة الفرنسية وبالانجليزية بيقولك انك داخل اي محطة
-الخروج والدخول من المحطة من خلال استعمال التذكرة ولو انت ما خرجت برا محطة المترو فبتقدر تتنقل لخط مترو تاني
باريس مدينة حضارية تاريخية عريقة مليانة بالمتاحف والمعارض والحدائق والقصور.
وبتتمّيز انها بتجمع بين القديم والجديد. بين المتاحف التاريخية العريقة زي اللوفر والمتاحف ما بعد الحداثة زي البومبي دو. مهما حاولت مش راح أغطي كل معالم المدينة لكن فيما يلي بعض أهم معالمها
البرج المبنى من أطنان من الحديد وهو من أهم معالم المدينة وبتقدر تزوره وتصعد طبقاته وهو برتفع أكثر من 300 متر.
منظره في الليل رائع جدا وبتنطلق منه اضاءات ملونه بتزيد من جماله. ممكن توصله من خلال محطة المترو وتتجول في ساحته وممن توصله من خلال ركوب سفينة بتمر في نهر السين اللي بقطع المدينة.
البرج تقدر تشوفه من أماكن مختلفة من المدينة نظرا لارتفاعه الكبير وبتلاقي نفسك وانت بتاخذ صور لاماكن مختلفة بتشوف في طرق الصورة وفي الخلفية برج ايفل نفسه.
يعني بتقصد تصور شي بتلاقي نفسك مصور معا معلم اضافي. يعني بتصيد عصفورين بحجر ????
من أهم المتاحف في العالم بالقرب من نهر السين يعني على بعد خطوتين من النهر.
المنبى ضخم جدا عريق بتتوسطه ساحة واسعة جدا وبتوسطها هرمين زجاجيين بتخليك تشعر بعظمة وحضور التاريخ المصري وتصدره للحضارة الانسانية والمعمارية.
المتحف بحوي صالات كثيرة جدا والعديد من الاعمال الفنية الاثرية ومنها المصرية الفرعونية.
ومن اللوحات الفنية العالمية المشهورة بداخله لوحة الموناليزا المعروفة للفنان ليوناردو دافنشي.
من أهم المعالم الثقافية الباريسية مجمع فني ثقافي بحوي صالات عرض لفنون معاصرة وما بعد حداثية. بحتوي على سبع طوابق لكنه مصمم من الخارج بشكل شبيه المصنع بمواسيره الضخمة وحتى الدرج الزجاجي اللي بحيك المبنى مبني على شكل مواسير ضخمة.
العربية
