يمتاز المصريون بروح الدعابة والمرح، ويظهر ذلك جلياً في النكات التي يتبادلونها فيما بينهم، فيعتبرون النكت المضحكة من الأشياء المسلية المتوفرة على مواقع التواصل الاجتماعي المختلفة، لأنها تدخل السعادة والبهجة والشعور بالسرور على القلب، وفيما يأتي بعض النكت المصرية المضحكة:
الطفل: ماما عاوز أشرب
الأم: بطبخ، قوم هات لنفسك تشرب
الطفل: بتفرج على التلفزيون، هاتيلي أشرب وارجعي تاني المطبخ
الأم: وبعدين بقى معاك، هاجي أضربك
الطفل: طيب وإنت جاية تضربيني هاتيلي معاكي أشرب
واحد فتح محل فراخ في مصر، جاله مفتش التموين وسأله بتأكل الفراخ إيه يا جحا؟
قاله رز
قاله المفتش مصيبتك سودا هو حد لاقي الرز؟ غرامة 100 جنيه
تاني يوم، رجع سأله: بتأكل الفراخ إيه يا جحا؟
قاله قمح
قاله المفتش مصيبتك سودا هو حد لاقي القمح؟ غرامة 100 جنيه
ثالث يوم، بتأكل الفراخ إيه يا جحا؟ قاله ذرة
قاله المفتش مصيبتك سودا هو حد لاقي الذرة ؟غرامة 100 جنيه
رابع يوم، بتأكل الفراخ إيه يا جحا؟
قاله بدى كل فرخة جنيه وهي تاكل اللى هى عايزاه
مرة طالب هندسة دخل امتحان شفوى فالدكتور بيسأله:
بتركب إيه وإنت جاى الكلية الصبح ؟؟
الطالب: بركب الأتوبيس
الدكتور قاله: حلو أوي.. لو الدنيا حر في الأتوبيس هتعمل ايه ؟؟
الطالب: هفتح الشباك
الدكتور: جميل احسبلي بقا كميه الهوا اللى داخل الأتوبيس وهو ماشي على سرعة 60 كيلومتر في الثانية
طبعا الواد معرفش والدكتور سقطه بالمادة ..
فهو خارج قابل واحد صاحبه فقاله على السؤال
ودخل للدكتور بعده
الدكتور للطالب التاني: بتيجي الكلية بإيه الصبح ؟؟
الطالب : بعربيتى
الدكتور : طب لو عطلانه ؟؟
الطالب : بكلم صاحبى ييجى ياخدنى بعربيته
الدكتور : طب لو مش موجود؟؟
الطالب: بخلى بابا يوصلنى
الدكتور : طب لو وراه شغل
الطالب : بركب تاكسى وخلاص
الدكتور : طب لو ملقيتش تاكسيات ؟؟
الطالب: بركب الأتوبيس وأمرى لله .. هو يسترها بقا من عنده
الدكتور : حلو اووووى .. لو الدنيا حر في الاتوبيس هتعمل ايه ؟
الطالب : هقلع الجاكيت
الدكتور : طب لو حر اووووى ؟؟
الطالب : هفتح زراير القميص
الدكتور : طب لو حر جدا جدا
الطالب : هقلع القميص
الدكتور : قاله طب لو مش قادر تستحمل وخلاص هيغم عليك وقدامك شباك ؟
الطالب : بص بقا انا ممكن اقلع أي حاجة بس ما افتحش شباك الاتوبيس