بتأثر جدا جدا حاول اذا ما قدرت تقطع المشاكل انك تبعدا عن عيون و اذان اطفالك مثلا باوضة النوم و وطو اصواتكم أو يكونو برا البيت او نايمين، تأثرا السلبي ببلش ممكن يتولد عند الطفل رغبة بالعزلة، عنف، عصبية، ضعف شخية، نفور من الصوت العالي و الخوف من الاهل، احيانا كره او نفور للاهل خصوصي اذا في اذى جسدي او نفسي مارسه احد الطرفين او التنين، بعمر المراهقة بدور المراهق على مهرب سواء عن طريق الارتباط، التدخين، النوم الزايد عن الحل او عدم النوم نهائيا، الاكل بشراهة او عدم الاكل بشكل كافي، اي رفاق ممكن رفاق سوء، اي نشاط يجنبو يرجع البيت، مخدرات و ممكن يمارس عنف جسدي على نفسه متل انو يجرح معصمو، و ممكن يصاب بالاكتئاب.

اما لما يكبر ف رح تلاقي طفلك البالغ صار عندو عقد، كره للجنس الاخر او معاملة سيئة تلقائية للطرف الاخر مع انو الطرف الاخر ممكن يكون شخص منيح بس هو من هو و صغير ما عرف غير المشاكل ف بالتالي هي طريقة التعامل الوحيدة يلي بيعرفا، بصير عنيف و دايما مسبب مشاكل مع يلي حواليه، ممكن يرفض الارتباط بشكل كامل او لما يرتبط يكون شخصيتو جدا ضعيفة قدام الطرف التاني و مسيطر عليه فكرة انو رح يمارس عليه العنف يلي كانو يمارسوه اهلو قدامو، رح يتولد عندو شعور بالنقص الدائم لانو ما حس بشعور العيلة أو ما بحس عندو عيلة يلجألا لانو ح تكون عيلتو بالنسبة الو مشاكل لازم يهرب منها.